غزل :: 15
ويو وقت ڇيڙي وڇوڙن جون ڳالهيون.
هو ڪوٽن جا ڪيچي، هي راهي رڻن جا،
ڪي گهوٽن جون ڳالهيون، ڪي گهوڙن جو ڳالهيون.
ڀلي عشق جي تون وضاحت ڪري ڏِسُ!
ٻڌي جڳ نه سگهندو ٿي جوڙن جون ڳالهيون.
ها ڪهڙي هون ڪم جون اوهان ڇو ٻُڌو ها؟
هي “گونگن” جون ڳالهيون هُو “ٻوڙن” جون ڳالهيون.
اهو ڀي نه سوچيئه اُچارڻ کان اڳ ۾،
ڀلا ڪير ٻڌندو آ، پوڙهن جون ڳالهيون.
لتاڙي ڇَڏڻ جون، لنگهي ڀي وَڃڻ جون،
ڪي رستن جون ڳالهيون، ڪي لوڙهن جون ڳالهيون.
صدين کان پُٺيءَ جي پڌر تي ٿيون جاڳن،
ڪي ڦٽڪن جون ڳالهيون، ڪي ڪوڙن جون ڳالهيون.