شاعري

رقص منهنجي روح جو

هي ڪتاب “رقص منهنجي روح جو” خوبصورت شاعر ، ليکڪ ۽ دوست سجاد مهر جي غزلن تي مشتمل شاعريءَ جو آهي.
هي ڪتاب ڪويتا پبليڪيشن حيدرآباد پاران 2014ع ۾ ڇپايو ويو. لک ٿورا پياري سجاد مهر جا جنهن هن ڪتاب جي سافٽ ڪاپي موڪلي سنڌ سلامت تي پيش ڪرڻ جي اجازت ڏني.
  • 4.5/5.0
  • 5084
  • 858
  • آخري ڀيرو اپڊيٽ ٿيو:
  • سجاد مهر
  • ڇاپو پھريون
Title Cover of book رقص منهنجي روح جو

غزل :: 109

جيسين هيءَ خُدائي رَهندي،
سنڌ سدائين سائي رهندي.

ڀونءِ ٿو وڪڻين ڀاڙيا ماڻهو،
تنهنجي مُنهن ۾ ڇائي رَهندي.

نوريءَ جَهڙي، مومل جَهڙي،
منهنجي ٻاگهل ٻائي رَهندي،

دودو رَهندو، دولهه رهندو،
شاهه، سَچل جي وائي رَهندي.

تنهنجي منهنجي رَهندي باقي،
ٻولي ٻي نه ڪائي رَهندي.