شاعري

رقص منهنجي روح جو

هي ڪتاب “رقص منهنجي روح جو” خوبصورت شاعر ، ليکڪ ۽ دوست سجاد مهر جي غزلن تي مشتمل شاعريءَ جو آهي.
هي ڪتاب ڪويتا پبليڪيشن حيدرآباد پاران 2014ع ۾ ڇپايو ويو. لک ٿورا پياري سجاد مهر جا جنهن هن ڪتاب جي سافٽ ڪاپي موڪلي سنڌ سلامت تي پيش ڪرڻ جي اجازت ڏني.
  • 4.5/5.0
  • 5083
  • 857
  • آخري ڀيرو اپڊيٽ ٿيو:
  • سجاد مهر
  • ڇاپو پھريون
Title Cover of book رقص منهنجي روح جو

غزل :: 41

وَفائون اوهان جون اڃان ياد آهن،
ادائون اوهان جون اڃان ياد آهن.

گُهريون تو هُيون جي ڀٽائيءَ جي دَر تي،
دُعائون اوهان جون اڃان يادَ آهن.

گُهلن ٿيون اسان ۾ اڙي ڄام شورا!
هَوائون اوهان جون اڃان ياد آهن.

بنا ڪنهن خطا جي ڏنيون هُون اوهان جي،
سزائون اوهان جون اڃان ياد آهن.

سمهان ٿو ته جاڳن ٿا خوابن ۾ خنجر،
عطائون اوهان جون اڃان ياد آهن.

نه وسري سگهيون سي اسان کان اوسانئڻ!
نگاهون اوهان جون اڃان ياد آهن.