وايون
پڳون پنھونءَ ڄام جون،
ڌوتم ڌوٻيءَ گهاٽ،
هيٺان پاڻيءَ- پؤنرڙا،
مٿان پوي ماٽ،
اُڀا آريءَ آسري،
ڳؤرا، ڳؤرا ڳاٽ،
ولھہ ۾ ڇوڙي وارڙا،
ونگيم ساري واٽ،
پڳون پنھونءَ ڄام جون،
ڌوتم ڌوٻيءَ گهاٽ.
(2)
ڪَتَنَ ڪار ڇڏيو،
وارو ڙي!
منھنجو وَرّ وٺي ويا،
پسڻ ريءَ پنھونءَ جي،
نبري نينھن نٿو،
وارو ڙي!
منھنجو وَرُّ وٺي ويا،
جيسين ساھہ سرير ۾،
جَتن ڪاڻ جيو،
وارو ڙي!
منھنجو وَرُّ وٺي ويا،
ڇڏي شھر ڀنڀور کي،
هونديءَ رات رسو،
وارو ڙي!
منھنجو وَرُّ وٺي ويا،