زلفي موٽي ايندو، الا، منھنجو
زلفي موٽي ايندو، الا، منھنجو
زلفي موٽي ايندو.
سنڌوءَ(1) ۽ سھڻيءَ(1) سان گڏجي،
منھنجي واٽ جهليندو.
ٻانھن لڳڻ تي، ساھہ کڄڻ تي،
ننڊ مان ڇرڪ ڀريندو.
جڏهن بہ مٺڙيءَ ماءُ سان رسندو،
مون وٽ ايندو ويندو.
جنھن جو پيار ڪنول(1) کان ڪنئرو،
سو ڪيئَن پاڻ پليندو.
سورٺ(1) سورٺ سڏ ڪري پيو،
سھڻل يار سڏيندو.
جيتر ڀينر، ڀائر ورندا،
تيتر واٽ تڪيندو.
پئسو، ٽڪو، آڌي، روپيو،
خرچڻ لاءِ کسيندو.
سرمد(2) ۽ منصور(2) کان مٺڙو،
منھڙو ڪين مٽيندو.
زيبوءَ(3) آڏو ‘بيوس’ بڻجي،
ويٺو حال ونڊيندو.
زلفي موٽي ايندو، الا منھنجو
زلفي موٽي ايندو.
_______
(1) زلفيءَ جون ڀينرون، (2) ذلفيءَ جا ڀائر، (3) ذولفيءَ جي ماءُ.