ڪُوڙ اوڏائي ڪين ڪي
( هن حديث مبارڪ کي الترمذي، البيهقي، الطبراني المعجم الڪبير ۽ الصغير ۾ روايت ڪيو آهي.)
ترجمو: ماڻهوءَ جي اسلامي خوبيءَ مان هيءُ به آهي ته انهي شيءِ کي ڇڏيڏئي، جنهن ۾ ڪوبه فائدو نه هجي.
سمجهاڻي:انسان جو شان سرس ۽ سوايو آهي. ان ڪري کيس اهي ڪم ڪرڻ گهرجن. جن جي دين ۽ دنيا ۾ضرورت ۽ ڀلائي آهي. پنهنجو به فائدو. اوڙي پاڙي ۽ قوم ملڪ جو به ڀلو ٿئي. باقي اجايون ڳالهيون فضول سڌون ۽ خراب ڪم ڪرڻ سان نه دنيا ۾ عزت ۽ فائدو ۽ نه وري ديني ڀلائي ۽ آخرت ۾ ڪا چڱائي آهي.
ڪامل مومن به اهو آهي جيڪو سهڻو ڳالهائي ۽ چڱا ڪم ڪري ۽ بي فائدي ۽ اجاين ڳالهين ۽ ڪمن کان ٽارو ڪري پاڻ بچائي.صبر شڪر خاموشي ميٺ محبت ۽ چڱن گفتن ڳالهائڻ امر نهي ڪرڻ ۾ ڀرپور ڪوششڪندو رهي. ته دين دنيا ۾ ڀلائي ۽ ڪاميابي نصيب ٿئي.
سونهان سڌيون ڏين، هن ديواني درياهه جيون
“ ڪوڙ اوڏائي ڪين ڪي” رڳوسچ سودين
عجز جو اڌ رات کي وکر وهائين
ساٿ نباهيو نين، ثابت انهي سير مان
(شاهه)