دلبر حرام جي نه ٿِي خودڪشي هجي ها،
توبن نه يار مون وٽ اڄ زندگي هجي ها.
طاقت آ ڪهڙي مون ۾ ماڻيان نه ها ڪا مڃتا،
شامل نه يار تنهنجي جي تشنگي هجي ها.
آ حوصلن جي آڏو آخر هوا هاريو،
ڏيئو هجي ها گهر ۾ اڄ روشني هجي ها.
هڪ عشق سنڌ سان ٿم ٻيو چاھه تو پرين سان،
ڪو غم نه جي هجي ها ڪٿ شاعري هجي ها.
سجدا ڪيا سدا ٿم حق سچ ۽ وفا تي،
هن بندگي سوا بس آوارگي هجي ها.
هڪ تون نه جي تماشو مون کي ڪري ڇڏين ها،
پنهنجن ۾ ڪيئن ’مسافر‘ اڄ اجنبي هجي ها.