قائد عوام جي ورسي تقريب
تيار ٿي 1:30 وڳي ڌاري ظهور عالم بلوچ، منير ۽ سليم سان گڏجي بئرڪ نمبر 9 ۾ قائدعوام شهيد ذوالفقار علي ڀٽي جي ورسي ۾ شريڪ ٿيس. سڄي بئرڪ اجرڪن سان سينگاريل هئي، اسٽيج جي جاءِ تي سهڻيون رليون لڳايون ويون هيون، ڊائس به ٺاهيل، اسٽيج واري ڀت تي قائد عوام جي وڏي تصوير ٺهيل هئي. کيس گلن جا هار پيل هئا.تصوير پير معظم ٺاهي هئي. صدارت به ان تصوير کان ڪرائي ويئي. جلسي جو مهمان خصوصي جوهيءَ جو ورڪر دوست بشير ٿهيم هو. ڪافي دوستن تقريرون ڪيون ۽ گيت ٻڌايا.