(2) فرزانا شاهين
اصل نالو :فرزانا شاهين
ادبي نالو :فرزانا شاهين
والد جو نالو :عبدالرشيد
ذات: مڱڻيجو
رهائش :سکر
تعليم :ايم .ايس .سي( ڪيمسٽري) ايم اي سنڌي
لکڻ جي شروعات : 1987ع
ڇپيل مواد: نئين زندگي، مهراڻ، سرتيون، بختاور، مرڪ، پرھ، عبرت ميگزين، سگهڙين سٿ، نئين آس، همسري، سنڌ رآڻي، پوپٽ
صنفون: غزل، وائي، نظم، نثري نظم، بيت، نئين ڪويتا، گيت
ڇپيل ڪتاب:
(1) وجود جي ڳولا (ڪهاڻيون)
(2) پهڻ پيرَ پٿون ڪيا (شاعري)
(3) .نيڻ آسائتا (شاعري)
اُن کان علاوه اڻ ڇپيل ڪافي مواد موجود.
سندس شاعريءَ مان ڪجھه چونڊ:
[b]وائي[/b]
ڌرتيءَ لئه جيئندي،
ڌيءَ “عروبا“ هرقدم!
ڏِسندي ڏَنجھَه ڏُکائتا،
ڏُکندن ڏي سُرندي.
ڌيءَ “عروبا“ هر قدم!
ڳوڙها ساري سنڌُ جا،
ماءُ جيان اُگهندي.
ڌيءَ “عروبا“ هر قدم!
ڀاڳوَندي ھِن ڀونءِ جا،
ڳائي ڳُڻَ لکندي.
ڌيءَ “عروبا“ هر قدم!
اَڀرن سين انياءُ ڇو!؟
ڏاڍَ اڳيان ڪُڇندي.
ڌيءَ “عروبا“ هر قدم!
"فرزانه" هر گام تي،
مون وانگر وڌندي،
ڌيءَ "عروبا" هر قدم!
[b]غزل[/b]
سور ڌرتيءَ ۾ سار ڌرتيءَ ۾،
پاڻ سان انتظار ڌرتيءَ ۾.
آس تنھنجي کٹي ھلیا آھیون،
ھاٹي ملجان بھار! ڌرتيءَ ۾.
تذڪرو تن جو قلب سان لیڪن،
سنڌ تان جا نثار ڌرتيءَ ۾.
جی وفائون ڪندا ھئا جڳ ۾،
سی ستا چپ میھار ڌرتيءَ ۾.
زندگي آسرن ۾ اُلجھي وئي،
ٿی رکان پاڪ پیار ڌرتيءَ ۾.
ڪونہ شاھین سوچ آ ڪائي،
جیت ڌرتيءَ ۾ ھار ڌرتيءَ ۾.
[b]چؤسٽو[/b]
عنوانِ دؤرِ حاضر تحرير سنڌ جي
احساس ٿو بڻائي تصويرسنڌ جي
شاهين دل منهنجيءَ ڏي ڪوئي متان ڏسي
هرجاءِ تي رهِي دل جاگيرسنڌ جي