(55) بلال تبسم
[شاعر]
اصل نالو : محمد بلال
ادبي نالو : بلال تبسم
ولد : حاجي محمد اسلم
ذات : ٽوٽاڻي
تعليم : انٽر
رهائش : قمبر علي خان، اسلم هائوس، وڳڻ روڊ قمبر.
رابطو: (3484144_0308)
لکڻ جي شروعات : 2009ع
ڇپيل مواد : نئين آس، عوامي آواز، سنڌ ايڪسپريس،
هزار داستان وغيره
چپيل مواد: گڏيل شاعريءَ جي ڪتاب “روهيڙي جا رتا گُل“ ۾ شاعري چپيل.
ترتيب ڏنل : گڏيل شاعريءَ جو ڪتاب “ ادب آبِ حيات“.
لکيل صنفون : غزل، گيت، وائي، نظم، چوسٽا وغيره
سندس شاعريءَ مان ڪجھه چونڊ
[b]نثري نظـــــم
[/b]
“درد جو صليب”
هر روز دردن لئه
سولي
سجائي وڃي ٿي؟
جنهن ۾ زندگي جا
سکيا پل،
هُو صليب جا ڪوڪا ٿا
سمجھيا وڃن.
اڄ ڀي
زمانو تماشائي ٿو لڳي!؟
۽ درد آرس ڀڃي رهيو آهي
زندگيءَ جي آڳر تي.
[b]غــــــزل[/b]
دل جو ٽانگو ڀڄي پيو آهي
مون لئہ رکجان تير َ سنڀالي
يادون تنهنجون اڻکٽُ آهن
ڪيئن سگهان مان نير سنڀالي
ماڻهپ محبت جذبن واري
ڪير سگهي اڪيرَ سنڀالي
دل بي خالي آکيرو آ
دردن جي سٽ ڪير سنڀالي
روئندي زينب ڪربل ۾ آ
اڪبر جهڙا ويرَ سنڀالي
ڪنهن جو ناهي جڳ ۾ ڪوئي
هر ڪو پنهنجا پير سنڀالي
جيون سارو آتش ٿي ويو
سورن جا ڪي سير سنڀالي
مان ڀي تو جان تڙپيو آهيان
سنڌڙي جا پي خير سنڀالي
ڪير ڏسي ٿو ڪنهن جي کولي
باب نگر مان بيرَ سنڀالي
باهيون گهر گهر ۾ لڳي ويون
آهن ڪنهن جا ڀير سنڀالي
چئجان تنهنجي منهنجي وچ ۾
جيڪا آهي چير سنڀالي
رهيان ناهيون ٻٻرن وٽ ڏس
پنهنجا هاڻي ليرَ سنڀالي
غربت جو ڇا حال پڇو ٿا؟
زندگي گذري گيرَ سنڀالي!
پئسي خاطر ٿيا هن تڪڙا
واري واري ٿيرَ سنڀالي
ڏڪندا ٻارن جا گهر سينا
آهن، هر هر ڦير سنڀالي
دشمن هاڻي جڳ آ سارو
مون ڏي ايندڙ هير سنڀالي.