(92) سڄڻ ناريجو
[شاعر]
اصل نالو : سڄڻ ناريجو
ولد : غلام رسول
ذات : ناريجو
جنم : 04 مارچ 1979ع . تعليم : انٽر
ڪرت : پنهنجو ڪاروبار
رهائش : شاھ لطيف ڪالوني، بڪيرا روڊ ٽنڊو الهيار.
رابطو : 03003094235 لکڻ جي شروعات : 1995ع
ڇپيل مواد : عبرت ميگزين، ڪاوش، الک، تعميرِ سنڌ، گل ڦل، هالار. ڳايل شاعري : ثريا سومرو، شازيا گل، محمد خان رند، ذوالفقار خاصخيلي، فهميده سحر، صائما سومرو، وزير علي بروهي، غلام شبير عباسي، شھزادو لاشاري، زاهده ناز، رشيده راڻي، رامچند فقير، همت علي ميرالي وغيره.
لکيل صنفون : گيت، غزل، نظم، وائي، چؤسٽا، بيت، ڪالم، ڪهاڻيون وغيره. ٻِن ڪتابن جو اڻ ڇپيل مواد موجود.
سندس شاعريءَ مان ڪجھه چونڊ
[b]غـــــــزل[/b]
پرين کي پسڻ جون حسرتون ئي رهيون
محب جي ملڻ جون حسرتون ئي رهيون
رهي دل جي ڌرتي سڪل ٺوٺ بنجر
مينهن جي وسڻ جون حسرتون ئي رهيون
ڪينجهر ڪارونجهر ۽ ماڳ مڪلي تي
ملي گڏ گهمڻ جون حسرتون ئي رهيون
صدا روئي روئي رهيون اوجاڳن ۾ اکڙيون
خوش ٿي کلڻ جون حسرتون ئي رهيون
ڏنا سين چمن ۾ چڪر چڪور وانگي
چنڊ کي چمڻ جون حسرتون ئي رهيون
وئي سڪ ساڙي ن سپنا ٿيا ساڀيان
سڄڻ کي سڄڻ جون حسرتون ئي رهيون
[b]غــــــزل[/b]
پڙھي ڇا ڪندا سين ڪتابن جي دنيا
ڏيئي وئين تون پيارا خوابن جي دنيا
اڀريو لهن پيا سڄڻ سور تنهجا
کٽي ڪونه توکان جوابن جي دنيا
هليو وئين تون جاني جڏو جيءُ جلائي
وڃائي هٿن سان ثوابن جي دنيا
سڄڻ ساهه سڪ ۾ سڄڻ جو پيو تڙپي
ماڻي مان نه سگهيس گلابن جي دنيا
[b]نظـــــم[/b]
آھين ماکي کان مٺڙي
چوڏھين جي چنڊ کان چٽڙي
مکڻ جي آھين چاڻي
آھين صفا تون ڏڌ جهڙي
مصر جي آن راڻي
توکي ڏسڻ سان بهارون اچن من ۾
تنهجي کلڻ سان سُر ڇڙي پون
ڪي ڪوهياري
ته ڪي مالڪوس ڀوپالي راڳ جهڙي
منڇر ڪارونجهر
سهڻي تون ساڳ جهڙي
روح منهنجو هي راڻو
تون من جي مومل
مون لاءِ تون ميهار واري سهڻي
تاج محل جهڙي تو ۾ سونهن آ سمايل
وسڪاري کان پوءِ ٿر جي ڀٽن تي سائي گاهه جيئن وڇايل
ڪيان ڳالھه سڄڻ ڪهڙي
چوڏنهن جي چنڊ کان چٽڙي..!!
آهين ماکي کان تون مٺڙي..!!