(95) علي مخفي
[شاعر]
اصل نالو: محمد علي
ادبي نالو: علي مخفي
ولد: محمد يونس
ذات : سومرو
جنم: 15 فيبروري 1982ع
تعليم : ايم.اي سنڌي، ايل.ايل.بي (وڪالت)
رهائش : غريب آباد محلو، خيرپور.
رابطو: 03160360082
ڇپيل مواد: عبرت مئگزين،سوجهرو، ادب، ڏات، روشنائي، روشن دنيا، سنڌو، هزار داستان.
لکيل صنفون : غزل، گيت، وائي، نظم وغيره.
سندس شاعريءَ مان ڪجھه چونڊ
[b]غـــــــزل[/b]
ڪر مطالعو جناب دردن جو
زندگي آ ڪتاب دردن جو
آڱرين تي ڳڻڻ کان گهڻا آهن
ڪئين ڪجي حساب دردن جو
ٻار منهنجي دل ۽ اوهان
پيا پڙهايو نصاب دردن جو
هل علي ڪٿي اگهون ڳوڙها
ڪيترو ڪيون آداب دردن جو
[b]وائــــــي[/b]
مونکي اچي ميڙ..!!
آءٌ وکري ويو آهيان..!!
منهنجي حال تي زمانا
ڏند ائين نه ٽيڙ..!!
آءٌ وکري ويو آهيان..!!
جنهن ۾ چقمق چاهه جو
اهڙو راڳ ڪو ڇيڙ..!!
آءٌ وکري ويو آهيان..!!
پنهنجي پاسي کان علي
ائين نه اسانکي ٿيڙ..!!
آءٌ وکري ويو آهيان..!!
[b]غـــــــزل[/b]
توسان پيارا دوستيءَ جو شوق هو
پاڻ سان ڄڻ دشمنيءَ جو شوق هو
سٽ سٽ پڄري پوءِ لکي آهي
مون کي ڪاٿي شاعريءَ جو شوق هو
ويساھ گهاتي وقت ڪئي هن سان
هن کي ڪهڙو خوڪشيءَ جو شوق هو
ماڻهو جت سڀ ديوتا ٿي ويا
اُت علي کي سادگيءَ جو شوق هو