(141) الله ڏنو ھالاڻي
[شاعر،نثر نگار]
اصل تعارف : الله ڏنو
ادبي نالو : الله ڏنو ھالاڻي
ولد : محمد جمعن
ذات : لنجو
جنم : 01 آگسٽ1987ع
تعليم : پرائمري
رھائش : ڳوٺ ڏينڻيون لنجا، ضلعوٿرپاڪر، مٺي.
رابطو : 03473224531
اي ميل اڊريس : allahdinolanjo35@gmail.com
لکڻ جي شروعات : 2013ع
لکيل صنفون : غزل، گيت، نظم، چوسٽا، ٽيڙو، ڪالم، مضمون.
ڇپيل مواد : ھزار داستان، صحراءِ ٿر، سامروٽي، نئين جاکوڙ، ٻانھياري ميگزين.
اڻ ڇپيل ڪافي مواد موجود.
سندس شاعريءَ مان ڪجھه چونڊ
[b]غــــــزل[/b]
اوھان کان به مُنھڙو نه موڙي سگھياسين
زماني جون رسمون نه ٽوڙي سگھياسين
جڏھن کان اوھان سان ٿيو پيار آھي
وري ناتو ٻي سان نه جوڙي سگھياسين
ڇڏي ڳنڍ ڏيئي تو دل کي آ دل سان
اڃان ڀي ٻڌل آ نه ڇوڙي سگھياسين
ڌڪاريو پرين تو جڏھن در پنھنجي تان
ڪٿي پير پنھنجا نه کوڙي سگھياسين
ويٺا درد دل ۾ وڏي ڪنھن ولر جيئن
ھالاڻي سي ھرگز نه ھوڙي سگھياسين
[b]نظــــــم[/b]
صوفي ٿياسين باغي ٿياسين
سچ ته صفا ڪي داغي ٿياسين
يار حرام حلال به سمجھي
ٻي کي پنھنجو مال به سمجھي
چورن جي ھر چال به سمجھي
نه ڪڏھن دل جي ڌمال به سمجھي
صوفين مان ئي ساقي ٿياسين
سچ ته صفا ڪي داغي ٿياسين
سچ ته صفا ڪي داغي ٿياسين
مفلر گيڙو ڪُلھن پائي
پاڻ کي بلڪل باغي ڀائي
شاھ ڀٽائي کي گلي لاھي
واتن تي بس ڪوڙ سجائي
ڪيئن چوان پو باغي ٿياسين
سچ ته صفا ڪي داغي ٿياسين
سچ ته صفا ڪي داغي ٿياسين
ڪونه سگھياسين خُود کي ٺاھي
ويس فقيري گيڙو پائي
ڀٽ ڌڻيء جي وائي ڳائي
ساڳيون سوئي ساز وڄائي
اندر ۾ ڪي نانگ نپائي
ڀاڳ منجھان ته اڀاڳي ٿياسين
سچ ته صفا ڪي داغي ٿياسين
سچ ته صفا ڪي داغي ٿياسين
ڀل ته چوي ڪو جديد به آھيون
مگر اسان ته مزيد به آھيون
پيئڻ کان پو خسيس به آھيون
پوءِ نه ڪنھن جا عزيز به آھيون
ذھني يار مريض به آهيون
ڪيف لٿا پو ساڳي ٿياسين
سچ ته صفا ڪي داغي ٿياسين
سچ ته صفا ڪي داغي ٿياسين