(33) سڪندر علي
[شاعر[
اصل : نالو سڪندر
ادبي نالو : سڪندر علي
ولد : محمدابراهيم
ذات : اوٺو
جنم: 05 فيبروري 1985ع
ڪرت : پرائيويٽ نوڪري
رهائش : ڪراچي عارضي. رابطو: (8767010_0345)
تعليم: انٽر. لکڻ جي شروعات: 2013ع
ڇپيل مواد : سامروٽي مئگزين، ننڍڙا ليکڪ مئگزين، ٻاهياري مئگزين، سنڌ راڻي مئگزين، سنڌ ايڪسپريس، شام اخبار وغيره.
لکيل صنفون : غزل، نظم، بيت، وائي، چؤسٽا.
سندس شاعريءَ مان ڪجھه چونڊ
[b]غــــــزل[/b]
انتظاري جو مزو مون کان نه پڇ
بيقراري جو مزو مون کان نه پڇ
ڪالھه سنڌوءَ تي سنواريا وار جنهن
ناز واري جو مزو مون کان نه پڇ
ديد جنهن جي سان منهنجي آ عيد ٿي
تنهن تون پياري جو مزو مون کان نه پڇ
ٿر ڀٽن تي کيل ٿي کنوڻن ڪيا
خوش گواري جو مزو مون کان نه پڇ
روهيڙي جي گل جو جنهن تي ٽڙڻ
ان تون ٽاري جو مزو مون کان نه پڇ
ساھ ۾ جنهن پل سميٽيو تو کڻي
ڪيف طاري جو مزو مون کان نه پڇ
ساٿ جيڪو آ ڏنو ” سڪندر “ سدا
ان جي ياري جو مزو مون کان نه پڇ
[b]نظــــــم[/b]
پهريون ڀي سال گُذري ويو
ٻيو هي سال گذري پیو
پرین پوءِ الائي ڇو
اچڻ ۾ دیر ڪئي آ تو
سفا ھي رتُ بہ آ سھڻي
سیاري جي جواني ۾
سرد راتیون
ننڍا ڏينهنڙا رھیا ھن
زندگاني ۾
گھاریان پيو چاھ مان گھڙیون
انھيءَ ئي آشیاني ۾
ٽڙي جت ٽھڪ تنھنجن ٿي
فضا کي رونقون بخشیون
گلابي گؤنچ ڪلین مان
فٽا ٿي دل اندر جانا
جڏھن لفظن جی ڳٺڙي کي
کولي تو خیال ھئا اوریا
اتي وچنن ۽ وڪڙن ۾
ڀنڀا جي وار ھئا کولیا
ڀريو هُوَم ڀاڪرن ۾ مون
لاڙيو جيئن ڪنڌ تو لالڻ
چُميم رخسار پبڙين کي
گلابي لال لبڙن کي
ڇلڪندڙ جام ڀي پيتو
نشا ٿي نيهن جا نڪتا
خماريل نيڻ تنهنجن مان
انهي پل پيار تنهنجا ڀي
گرم سي ساھ تنھنجا ڀي
ڪیا ھئا قید مون دل ۾
اڃان محفوظ آھن سي
ڇڏیا ھئا لاشعوري ۾
ٽٽل لفظن سندا جملا
اڌوریون ڳالھڙیون اوریل
اھي ئي پیار جون چوریل
اڃان سی یاد آھن مون
نہ وسریون وقت ویو گذري
اڃان ڀي انتظاری آ
منھنجي ناچیز اکڙین جي
سجایل خواب سڀني کي
سڪندر سانڀيان ڏيئي
اسان جي سار لهي وڃ تون
پرین ھاٹي ملي وڃ تون
پرین ھاٹي ملي وڃ تون