(57) جهانگير
[شاعر، مضمون نگار[
اصل نالو : جهانگير
ادبي نالو : جهانگير
ولد : تاج محمد
ذات : ڏاهري
تعليم : MBA. رھائش : ڳوٺ ڄام ڏاهري، سڪرنڊ
رابطو : (3014323_0302). لکڻ جي شروعات : 2015ع
ڇپيل مواد : تقريبن سنڌ جي ڪجهه، رسالن، مئگزينن۽ اخبارن ۾.
لکيل صنفون : غزل، وائي ، بيت ، نظم ، آزاد نظم، بيت، دوها، گيت، نثري ٽڪرا وغيره
اڻ ڇپيل : هڪ ڪتاب جيترو مواد موجود.
سندس شاعريءَ مان ڪجھه چونڊ
[b]غــــــزل[/b]
هي وجدان ڇا جا هن، هي امڪان ڇا جا هن
اسان تي عشق جو غلبو، اڳيئون فرمان ڇا جا هن
ٻڌي ٽڙڪاٽ گهاڻي جا، اچن عاشق اڏاڻي ٿا
سوين سرمد پيا ڪسجن، اهڙا ايمان ڇا جا هن
اسان جو جاڳ آ سوري، رکون ٿا مام منصوري
اسان جو آٽ آزادي، اڙي زندان ڇا جا هن
مٽي جو مان ڀائين ٿا، سندس ئي گيت ڳائين ٿا
کلي جي کاڪ ۾ موٽن، اهڙا مهمان ڇا جا هن
توهان جو ساٿ اهڙو آ، امر ڪنهن گيت جهڙو آ
اسان وٽ ميت مي رقصم، توهان وٽ تان ڇا جا هن
امڙ جيجل جي لولي جيئن، سنڌو جو جل پوتر تيئن
هلو ڀٽ شاهہ ڏي ڪاهيون، ٻيا سڀ گيان ڇا جا هن
[b]نظـــــم[/b]
اڄ ڀي منهنجا گيت صدا هڻي توکي ڳولن ٿا
پرديسي پکيئڙا جيئن نگر نگر ۾ ٻولن ٿا
منهنجو ڪمرو منهنجا ڪاغذ منهنجو يار قلم
پوئين پهر پڪارن ٿا سائين تنهنجو نانءُ اتم
تنهنجي ياد جا ڪي ئي منظر پل ۾ کولن ٿا
اڄ ڀي منهنجا گيت صدا هڻي توکي ڳولن ٿا
رات بہ توکي ياد ڪري هي اک نہ جهپڪي آ
تنهنجي چاهہ جي چڻنگ اٿي، شولو بڻجي سا
ويندي ويندي چنڊ ستارا جاڳ وڙولن ٿا
اڄ ڀي منهنجا گيت صدا هڻي توکي ڳولن ٿا
منهنجي جسم ۾ اڄ ڀي تنهنجو جاري آه هڳاءُ
تو بن هاڻي ڪونہ سري ٿي جلدي موٽي آءُ
هو ڏس ٽارين ۾ ڀي گلڙا ويٺا ڏولن ٿا
اڄ ڀي منهنجا گيت صدا هڻي توکي ڳولن ٿا
[b]انگريزي نظـــــم
[/b]
White-Lily
)Short poemm(
After bathing,
I saw your thoroughly,
Your face,
I found like White-Lily,
It enjoyed spring fall,
Oh! Dew drops,
And your face,
I made many probes...