(140) اشرف علي
[شاعر]
اصل نالو : ڪریم بخش
ادبي نالو : اشرف علي
ولد : اللہ وسایو
ذات : مھر
جنم : 06 جولاءِ 1993ع
تعليم : ٻارنھن درجا پاس
ڪرت : سرڪاري ملازم
رهائش : تعلقہ لکي غلام شاہ. ضلع شڪارپور
ربطو : 03457258144
لکڻ جي شروعات : سیپٽمبر 2016
ڇپيل مواد : عبرت مئگزین، خبرون اخبار. ماھوار ساٿي رسالو.
لکيل صنفون : غزل، نظم، وائي، دوھا، چؤسٽا.
سندس شاعريءَ مان ڪجھه چونڊ
[b]غــــــزل[/b]
پرين تو پُڄاڻان پٿرُ ٿي ويا سين
صفا ڄڻُ ته موهن شهرُ ٿي ويا سين
سناٽو رڳي آ حويلي اندر جي
بچيو ڪجھه به ناهي کنڊر ٿي ويا سين
ڪڏهن ٽهڪ مرڪون سڄڻ هون چپن تي
وڇوڙي ۾ ويران گهرُ ٿي ويا سين
پرين ساٿَ تنهنجي سان منزل پسون ها
جيئن هٿ ڇڏيئي در بدر ٿي ويا سين
بنا تنهنجي جيون مثل ريت سجني
ڦٽا منجھه ٿوهر ۽ ٿرُ ٿي ويا سين
رڳي هاڻ يادن جي پوڄا ڪجي جِتِ
اهو ڄڻ ته ”اشرف“ مندِرُ ٿي ويا سين
[b]نظـــــم[/b]
رهون ٿا ديش پنهنجي ۾
پرائي حڪمراني آ
اسان جي سنڌ سورن ۾
اسان جي بي ڌياني آ
آ تنهنجو وقت عيشن ۾
ها راندين ۾ ۽ رونشن ۾
ٿري بک تي مئو ٻالڪ
ملي تنهن کي نه ماني آ
نه سچ جو ساٿ ڏي ٿو ڪو
وڏو اڳواڻ ٿئي ٿو جو
مڃان مان ڪيئن ڪنا توکي
اسان جو شاھ باني آ
اسان تي وار ڌارين جا
ڏسي تڪرار ڌارين جا
لڳائي تو ڳلي تن کي
ڪئي هي بدگماني آ
اسان جي بي ڌياني آ
اسان جي بي ڌياني آ