(24) آڪاش علي نواز
شاعر]]
اصل نالو: علي نواز
ادبی نالو:آڪاش علي نواز
والد جو نالو:نبي بخش
ذات:چانڊيو
رهائش : ڳوٺ حاجی عیسن چاندیو
رابطو: (2123430_0306)
تعلقو : ڏیپلو
ضلع : ٿرپارڪر
تعلیم : میٽرڪ
لکٹ جی شروعات: 2014ع
لکيل صنفون : غزل، گيت، چؤسٽا وغيره.
ڇپیل مواد :ھزارداستان، عبرت مئگزین وغيره.
ڇپیل ڪتاب :گڏیل ڪتاب “ھر گل جي خوشبو پنھنجي”
ھڪ ڪتاب جو مواد موجود اٿس.
سندس شاعريءَ مان ڪجھه چونڊ
[b]غـــــــزل[/b]
تنھنجي طرفان محبت ڪونھي
منھنجي طرفان نفرت ڪونھي
دردن جي جاگیر ملي آ
مون وٽ ھاڻي غربت ڪونھي
ڪنھنجي ڪامیابي تی پڄرون
يار اسان جی عادت ڪونھي
گھر جو ڀاتي دشمن ٿئي جي
ان کان وڌ ٻي عبرت ڪونھي
بد نصيب اهو آ جنهن وٽ
ماءُ جي حاصل شفقت ڪونھي
مان تہ مٽيءَ جو پتلو آھیان
منھنجي ڪائي حیثیت ڪونھي
دل جو ڪٿ فریاد ٻڌايون
اھڙي ڪٿ به عدالت ڪونھي
ٻچڙن لئه هو ڪيئن ڪمائي
ھاڻ بدن ۾ طاقت ڪونھي
دل اُجري آڪاش هجي بس
ڇا ٿيو سهڻي صورت ڪونھي
[b]غـــــــزل[/b]
ڳالهه ساري ڇو ڪجي
بي معياري ڇو ڪجي
پاڻ جی آھیون اگر
ٻيو ڏوھاري ڇو ڪجي
ملڪ جی دشمن سندي
طرفداري ڇو ڪجي
سوچ پنھنجيءَ کي ڪڏهن
رات ڪاري ڇو ڪجي
پنھنجي قسمت تی سدا
اشڪباري ڇو ڪجي
هو نه اچڻو آهي پوءِ
انتظاري ڇو ڪجي