(89) رياض مشوري
[شاعر]
اصل نالو: رياض حسين
ادبي نالو: رياض مشوري
والد جو نالو: بابو خان
ذات : مشوري
جنم : 25 جنوري 1984ع
تعليم : ايف.اي
ڪرت : زمينداري
رهائش : ڳوٺ ميوو خان مشوري ضلعو نوابشاھ
رابطو: 03133612951
لکڻ جي شروعات : 2010ع
ڇپيل مواد : مختلف سنڌي اخبارن ۽ ميگزينن ۾.
لکيل صنفون : غزل، وائي، نظم، چؤسٽا، ڪافي، گيت، دوها.
ساس شاخ قاضي احمد پاران گڏيل شاعريءَ جي ڪتاب "ساٿ چڙهندو لڪئين" ۾ شاعري ڇپيل.
ٻن ڪتابن جو اڻ ڇپيل مواد موجود آهي.
سندس شاعريءَ مان ڪجھه چونڊ
[b]غـــــــزل[/b]
حُسن تي ناز ايڏو نه ڪر دلربا
هي جواني اٿئي مختصر دلربا
ڏونگرن کي به ٿو آئون ڏاري سگهان
ساٿ تنهنجو ملي پئي اگر دلربا
رات ڀر نيڻ آلا رهن ٿا مٺا
ايترو ياد ايندو نه ڪر دلربا
رات آڪاس تي چنڊ تارا ڏسي
نيڻ تولئه ٿيا منتظر دلربا
تنهنجي پاڙي ۾ ٿو رياض تڙپي لڇي
ايترو ڀي نه ٿي بي خبر دلربا
[b]غــــــزل[/b]
مصريءَ وانگر مٺڙي آهين
سهڻي سسئي جهڙي آهين
هر دم رنگ فضا جا تو ۾
چئو تون موسم ڪهڙي آهين؟
سارون تنهنجون ساڻ رهن ٿيون
سانڍيل من ۾ اهڙي آهين
سنڌڙيءَ سان جيئن جيءُ جڙيل آ
پياري تون پڻ تهڙي آهين
تو جهڙو ٻيو ڪوئي ناهي
رياض جي لئہ تون هڪڙي آهين
[b]وائـــــي[/b]
مون ڏي نيڻ کڻي
ڇاٿي سوچي سانوري..!؟
سُونهن سراپا سنڌ جيئن
مونکي کوڙ وڻي
ڇاٿي سوچي سانوري..!؟
سينگاريندي پاڻ کي
کڻي هٿ ڦڻي
ڇاٿي سوچي سانوري..!؟
سک سمرتين وچ ۾
جوڀن ياد بڻي
ڇاٿي سوچي سانوري..!؟
رياض مشوري راحتون
هينئڙي منجھه هڻي
ڇاٿي سوچي سانوري..!؟