91. ڏوهاريءَ جي من ۾ سڀ ڪو سندس گلا ٿو ڪري. (ساٿي، پهاڪو)
هاڻي ڪنهن به اوطاق، دڪان يا ماڻهن واري جاءِ تي اچڻ کان پهريائين ڪَنُ لائي بيهي، تسلي ڪري پوءِ ڪچهريءَ ۾ايندو هيو. يا اتان اٿي ايندڙ کان موضوع بابت پڇي پڪ ڪري پوءِ ويندو هيو.
”ڪهڙي ڳالهه پئي هلي!“ جيڪو ڪنهن ڪچھري مان اٿي اچي، ان کان پڇي.
”زماني جي ڳالهه پئي هلي!“ ڪچهريءَ مان اٿي ايندڙ چويس.
”ٻي ڪهڙي ڳالهه پئي هلي؟“ تجسس مان پڇيس.
ائين گهڻيون ڳالهيون پڇڻ جي باوجود تسلي نه ٿئيس ته نيٺ پڇي ويهي؛ ”ڇيلي واري ڳالهه ته نه پئي هلي؟“
”ڪهڙي ڇيلي واري؟“ ڪچهريءَ مان اٿي ايندڙ پڇيس.
ائين جنهن کي نه خبر، تنهن کي به خبر پئجي وئي.
هڪڙي همراه ڳٿڙ کان جهلي پڇيس؛ ”اهو ڇيلو تو ته چوري نه ڪيو آهي؟“
”توکي ڪيئن خبر پئي؟“
”تون جو هر ڪنهن کان پيو ٿو ٽهين ۽ ڇيلي جي ڳالهه پڇين! هونئن به ....”همراهه وضاحت ڪندي چيس. “ڏوهاريءَ جي من ۾، سڀ ڪو سندس گلا ٿو ڪري“.
مطلب: چور کي پنهنجو اندر کائيندو رهي ٿو.