علي بخش ڀنگر ڳوٺ
ڀنگر نيات واري نالي علي بخش هن وستيءَ جو وجود قنبر تعلقي ۾کڙو ڪيو، 1990ع جي سروي پٽاندڙ ڳوٺ ۾ گهرن جوا نگ 24 هو، جن ۾ ٻه چانڊيا، ٻه گهر وڳڻ باقي ڀنگر ذات جا 20 گهر هئا، ڳوٺ گولائي تي کنيل، پاڻي مٺو، زمين زرخيز آهي، رائيس ڪئنال مان نڪرندڙ واهه، ”همير واهه“ جي سڄي ڪپر تي آباد ٿيل ڳوٺ آهي، هن ڳوٺ ۾ ٻن راهن جي وسيلي پهچي سگهجي ٿو، هڪ رستو لاڙڪاڻو ميڻاروڊ جنهن کان هيءَ وسندي 14 ميل صدر مقام لاڙڪاڻي کان ڏور آهي، ٻيو راهه لاڙڪاڻو ميرو خان روڊ جيڪو ٺوڦ چوسول کان قنمبر وڃي ٿو، انهي روڊ کان هي ڳوٺ 200 والن تي پوي ٿو، ساڳي روڊ سان ڳوٺ علي بخش ڀنگر، لاڙڪاڻي شهر کان 24 ڪلوميٽر پري پوي ٿو، هي روڊ هن ڳوٺ جي اوڀر کان وڃي ٿو، ساڳي روڊ سان هي بستي قنبر شهر کان 13 ڪلوميٽر پنڌ تي ٻڌل آهي، هن ڳوٺ جي ڏکڻ پاسي هڪ ميل مفاصلي سان وڏو ڳوٺ مهي مڪول آهي.