ڳڙهي خير محمد ڪرٽيو ڳوٺ
هي ڳوٺ سرائي خير محمد ڪرٽئي ٻڌايو، جنهن جي هڪ ڌاريل طوطي هن کي هٿ ۾ چهنب سان چڪيو، انهيءَ چَڪَ مان ڦٽ ٿيو جنهن ناسور جي شڪل اختيار ڪئي، اڳتي هلي، هي درد بيماري هن جي موت جو ڪارڻ بڻي.
قنبر شهر کان غئبي ديري روڊ سان وارهه بئراج وٽ پهچي وارهه جي ٽاپ وارو رستو ڏکڻ پاسي ڏئي ٻه ڪلوميٽر کن وڃي ڪري، اتان اولهه طرف هڪ ڪلوميٽر هلجي ته هن ڳوٺ تي رسي سگهجي ٿو، هي ڳوٺ قمبر شهر کان 15 ڪلوميٽر پري آهي، ڳوٺ جي اوڀر ۾ وارهه بئراج آهي، ڳوٺ جي زمين وارهه بئراج تي آباد ٿيندڙ نهايت زرخيز آهي، ڳوٺ جو پاڻي کارو آهي.
ذاتيون:
ڪرٽيا، ٽوٽاڻي، ٺوڙهياڻي، خاصخيلي، سومرا، گهڻائي ۾ ڪرٽيا ذات آهن.