شاعري

نئون نئون مڌ آ

هي گڏيل شاعريءَ جو ڪتاب ”نئون نئون مڌ آ“ سنڌ جي 16 شاعرن ۽ شاعرائن جي شاعريءَ تي مشتمل آهي، جن ۾ ڊاڪٽر غلام نبي ”صابر“ سڌايو، ڊاڪٽر ”حاذق“ جوڻيجو، ناشاد رشيد ”سنڌي“، اڪبر کرل، بشير آچو، شيخ ”فرازي“، وفا ٻرڙو، اشفاق چانڊيو، انجم قاضي ، ضمير ”حيدر“ چانڊيو، علي رضا، خيرل سيلرو، ماريه ڪنول، ايم يونس جمالي، نادر دايو ۽ ڪريم ”گل“ دايو شامل آهن.
Title Cover of book نئون نئون مڌ آ

ادائن جو اظهار سمجهي نه ٿو،

ادائن جو اظهار سمجهي نه ٿو،
چريو آ منهنجو پيار سمجهي نه ٿو.

چوي ٿو اسان کي ڀلايو ڀلي،
ٿيان ڪيئن گنهگار سمجهي نه ٿو.

نه تو لئه مان سنوران ڪڏهن ڀي هتي،
اهو منهنجو سينگار سمجهي نه ٿو.

تون ئي ڪافي آهين ”فرازي“ هتي،
ٿيو ڇا جي سنسار سمجهي نه ٿو.
**