شاعري

نئون نئون مڌ آ

هي گڏيل شاعريءَ جو ڪتاب ”نئون نئون مڌ آ“ سنڌ جي 16 شاعرن ۽ شاعرائن جي شاعريءَ تي مشتمل آهي، جن ۾ ڊاڪٽر غلام نبي ”صابر“ سڌايو، ڊاڪٽر ”حاذق“ جوڻيجو، ناشاد رشيد ”سنڌي“، اڪبر کرل، بشير آچو، شيخ ”فرازي“، وفا ٻرڙو، اشفاق چانڊيو، انجم قاضي ، ضمير ”حيدر“ چانڊيو، علي رضا، خيرل سيلرو، ماريه ڪنول، ايم يونس جمالي، نادر دايو ۽ ڪريم ”گل“ دايو شامل آهن.
Title Cover of book نئون نئون مڌ آ

دور ٿي وئين پرين، ڪا خوشي ڪو نه آ،

دور ٿي وئين پرين، ڪا خوشي ڪو نه آ،
غم کان واندي منهنجي، ڪا گهڙي ڪو نه آ.

مون کي اونداه جو وئين سفر تون ڏئي،
تو سوا منهنجي لئه روشني ڪو نه آ.

ڪوئي آٿت ڏيڻ ڪو نه آيو هلي،
توڙي پنهنجا اٿم اجنبي ڪو نه آ.

مان ته ڳوڙهن سان بستر پسايو آ ”گل“
يار برسات ڪائي پئي ڪو نه آ.
**