ڪهڙا پُڇين ٿو حال وڏيرا،
شل ڪي پوندئي ڪال وڏيرا.
تنهنجي آ هڪ ڏينهن جي سياست،
هارين لوڙيا سال وڏيرا.
هُن کي ڏنا تو مُٺ ۾ داڻا،
پاڻ ڀريا ٿي جوال وڏيرا.
تارا تنهنجا ٻلي جهڙا،
شهپر ٿي ٽي وال وڏيرا.
مزدور، هاري هڪ ٿي ويندئي،
پو تون وڄائيندين ٿالهه وڏيرا.
نارين ۾ هن تنهنجون نظرون،
بُڇڙا تنهنجا خيال وڏيرا.
ڪن کي ٻَڌائين ڪِن کي ويڙهائين،
ڪِن جا ڪهائين لال وڏيرا.
هارين نارين جون هي ڪثران،
گهر ۾ ڪڍئي ٿي زال وڏيرا.
هڪ آ ماريو محنت ‘اطهر’
ٻيا هن تنهنجا سوال وڏيرا.
**