منهنجي اکڙين سمائي جا پرين تنهنجي سا صورت آ،
سوا تنهنجي مري ويندس مونکي تنهنجي ضرورت آ.
پڪاريندين اَڏي ويندس ڌڪاريندين ڌُڏي ويندس،
مونکي من تنهنجي محبت کان مٿي ڪائي نه دولت آ.
اداسيون ڇو اچي پهتيون جمالا دور ٿيندا ويا،
وئي رولي ويرانين ۾ مٺا تنهنجي محبت آ،
لڪايو جنهن کي اکڙين ۾ سدا ساري زماني کان،
جهڪايو سر اڳيان جنهن جي اها سنگدل جي صورت آ.
چرين جان چاهيو مون توکي لڳي سيني سان ڏس جاني،
لکيل ‘‘سرتاج’’ جي دل تي سڄڻ ساري وضاحت آ.