زندگي هڪ پيار وارو دل پسند آهي قصو،
ياد ماضيءَ جو سهارو دل پسند آهي قصو.
تنهنجي دل ۾ گهر ڪرڻ لئه فيصلو اکڙين ڪيو،
نينهن جو سهڻو نظارو دل پسند آهي قصو.
زندگي هڪ مسڪراهٽ زندگي سرمايو آ،
عشق الفت جيءُ جيارو دل پسند آهي قصو.
اجنبي بڻجي اچان ٿو مان صنم تنهنجي شهر،
بزمِ خلوت جو سهارو دل پسند آهي قصو.
رعب تنهنجي حسن جو هي چاهتن جو ٿيو سبب،
تنهنجي اکڙين جو اشارو دل پسند آهي قصو.
جي ڪيا محبوب ميلا توسان تنهائي ۾ مون،
ذوق توسان هي نيارو دل پسند آهي قصو.
**