شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

سونهن ليئو گھٽي منجهه پاتو هيو،

سونهن ليئو گھٽي منجهه پاتو هيو،
منهنجو محبوب هو مون سُڃاتو هيو.

منهنجو منڙو هي درويش هر هر وري،
تنهنجي درشن ئي ڪارڻ ٿيو آتو هيو.

تنهنجي خوابن جو منهنجي به نيڻن سان ڪو،
چنڊ تارن ئي جھڙو ته ناتو هيو.

زندگي جي صفحي تي لکيل درد هي،
مون نه سمجھو ته ڪهڙو هي کاتو هيو.

ميڻ ٻاري مندر ۾ تو پوڄا ڪئي،
سانوري! ڪنهن لئه آخر هي ساتو هيو.

لمس تنهنجي لبن جو مليو ڪونه پئي،
عاشقيءَ ۾ رڳو بس اوراتو هيو.