شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

وفا ۽ ڀَرم جو مان ڪنهن کي ٻُڌايان،

وفا ۽ ڀَرم جو مان ڪنهن کي ٻُڌايان،
دنيا جي الم جو مان ڪنهن کي ٻُڌايان.

نه سرجي ٿو قصو زُليخا ۽ يوسف،
قتل ٿيل هِن جو مان ڪنهن کي ٻُڌايان.

حياتي جي دڳ ۾ جواني جو لُٽجڻ،
غلط فن فهم جو مان ڪنهن کي ٻُڌايان.

نه ڪر مون سان ماڻا سريلي او سرتي!
اُنهي من ستم جو مان ڪنهن کي ٻُڌايان.

اچي تون ئي جيڪر دلاسو نه ڏيندين،
دوا مَن مرهَم جو مان ڪنهن کي ٻُڌايان.

اَمن کي اُجاڙي وِڌو آهي وِيرن،
هِي بارود ، بَم جو مان ڪنهن کي ٻُڌايان