شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

خيال چمڪن ٿا رات ڪاري آ،

خيال چمڪن ٿا رات ڪاري آ،
گيت سرجڻ جي آس ٻاري آ.

قرب دانهون ڪندو رهيو آ پر،
نفرتن جو هي ڏاڍ ،طاري آ.

هاڻ خوابن جو بار ناهي ڪو،
ننڊ نيڻن جي مون به ماري آ.

ٻاٽ راهن ۾ ٿيڙ ارپي ٿي،
روشنين جي تلاش جاري آ.

لوڻ ٻُرڪي ڦٽن تي ويو آهين،
واهه جي يار تُنهنجي ياري آ.

مرض وڌندو ويو مُحبت جو،
جان امداد مونکي پياري آ.