شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

فتنو فساد جاڳي پيو،

فتنو فساد جاڳي پيو،
توبهه تضاد جاڳي پيو.

غربت عيان ڏسي تنهنجي،
آخر جواد جاڳي پيو.

جيجل هٿن سان کارايو،
ساڳيو سواد جاڳي پيو.

سوچو لٿيون بحر ٽوڙي،
هوڏانهن نقاد جاڳي پيو.

پنهنجي ملڻ جي موقعي تي،
ويڙهو جلاد جاڳي پيو.