شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

واسطا ٽوڙي ،جدا ٿيندو ويو،

واسطا ٽوڙي ،جدا ٿيندو ويو،
درد دل جو ،لادوا ٿيندو ويو.

تونه ڪا جھاتي ڪڏهن پاتي مٺي،
ڳوٺ ۾ ڳڀرو ،ڳڀا ٿيندو ويو.

مان نڀائڻ جا ڪيا پورا جتن،
هو رڳو ئي بيوفا ٿيندو ويو.

ماءُ جو ڳوڙهو ڪِريو جئين فرش تي،
عرش تي سوئي ،دعا ٿيندو ويو.

سرد راتين ۾ اڪيلو تو بنا،
من ڊسمبر هو ،سزا ٿيندو ويو.