شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

دنيا دين ڌرم کي ٽوڙي،

دنيا دين ڌرم کي ٽوڙي،
دل پئي هاڻي دل سان جوڙي،

نٽهڻ اُس ۾ سايا اڀريا،
يار! گھُميو پئي ڪاڪل ڇوڙي،

ٻالڪپڻ ۽ جواني جذبا،
وقت وڃي ٿو ڇا ڇا ، ٻوڙي،

توکي ساري تير نظر جا،
مان ويهان ٿو چنڊ ۾ کوڙي،

دنيا کيل تماشو آ، ڪو،
جنهن جي پويان جڳ ٿو ڊوڙي.

آس ڪنڌي تي بيٺل سَرتي،
واڳ ورڻ جي مَن هو موڙي.
.