ڊسمبر درد ٿيندو ويو......
پراڻي ياد جي گھيري ۾،
اڪيلو من رڙيو راتيون،
پرين تو ڪونه ورنايو،
ڊسمبر درد ٿيندو ويو،
اُميدن جا هِتي ڪيئي،
رکيا فانوس ٻاري مَن،
اچي ڪوسا ڀري ڀاڪر،
سندءِ هڪ قرب ٺاري مَن،
دلاسن تنهنجي دلبر هو،
اسان کي خوب ترسايو،
ڊسمبر درد ٿيندو ويو،
اکين جا سوجھرا سارا،
هِتي بي نور ٿيندا ويا،
ڀَرم جي آسمان تي ڪئي،
سِتارا چُور ٿيندا ويا،
سندي برباد چاهت کي،
اسان پئي پاڻ دفنايو،
ڊسمبر درد ٿيندو ويو،
غزل جو روح نڪتو هو،
نظم به لُڙڪ لاڙيا ها،
قلم جي بيوَسي ميڙي،
مون ڪيڏا گيت ساڙيا هَا،
تباهي ۽ تنهائي ۾،
لڙي آيو ته غم آيو،
ڊسمبر درد ٿيندو ويو،
ڊسمبر درد ٿيندو ويو،