شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

برباد حسرتن جا لاشا نه تو ڏِٺا هِن،

برباد حسرتن جا لاشا نه تو ڏِٺا هِن،
منهنجا هي نيڻ آتا پياسا نه تو ڏٺا هِن.

مغرور مست آهي تنهنجو شهر به تو جان،
منهنجي نگر جا ماڻهو سادا نه تو ڏِٺا هِن.

اُلفت جي بيوسين کي دلبر ڏٺو توآهي،
سُڏڪن ۾ سَار جا پر پاڇا نه تو ڏِٺا هِن.

نازن مان ٻانهن لوڏي آئين گھٽين مان ٿيندو،
مجنون هزار پويان ، پهتا نه تو ڏِٺا هِن.

بدحال عشق ۾ ڪي عاشق مريض ماڻهو،
امداد زندگي کان آجا نه تو ڏِٺا هِن.