شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

هلي اچي ٿو هوا جو سُڏڪو،

هلي اچي ٿو هوا جو سُڏڪو،
فقير تنهنجي صدا جو سُڏڪو.

اندر منجھان هي اُٿي رهيو آ،
دعا ۾ پنهنجي خطا جو سُڏڪو.

کڻي هلن ٿا ڪٿي وري اڄ،
ڪلهي تي ڪانڌي فنا جو سُڏڪو.

جفا جي ڌُن ۾ ٻُڌو نه هو تو،
صنم اسان جي وفا جو سُڏڪو.

امير تنهنجي شهر جا ماڻهو،
ٿُڏي ڇڏن ٿا گدا جو سُڏڪو.

لِکي لِکي مَن ٿڪي پيو آ،
پڙهي نٿو ڪو ڪٿا جو سُڏڪو.