شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

گلابن جي خوشبو خزان وئي اُکيڙي،

گلابن جي خوشبو خزان وئي اُکيڙي،
روئي مسرتن جا ڪو لاشا پيو ميڙي.

تباهي جي منظر جا سئو تير دل تي،
سُمهي ٿو اُداسين جي چادر ڪو اُوڙهي،

نگاهن جي رستن ۾ دل جون ڪٿائون،
رکيا ٿم ڪي سپنا ۽ سُڏڪا سهيڙي.

غريبن سان ڪيڏا ڪيل ڪيچ واعدا،
وساري ڇڏيا نيٺ تر جي وڏيري.

کڻي رات جوڀن جواني جا جلوَا،
ٿڪل بادلن کي ڇڏيو چنڊ ٿيڙي،

اسان جي حياتي جو سنسار سُندر،
اجاڙيو آ امداد اُلفت جي جھيڙي.