شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

زندگي هئي بار،

زندگي هئي بار،
موت به اُوکو هيو

عشق تنهنجي سوڳ ۾،
درد پاتم هار،
زندگي هئي بار.
موت به اُوکو هيو

ڪنهن شهر ۾ ڄاتو؟
بُک ننڍڙو ٻار،
زندگي هئي بار.
موت به اُوکو هيو

وقت لاهيندو وڃي،
پُڇ ته ڪهڙي پار،
زندگي هئي بار.
موت به اُوکو هيو
بندگي جي ذوق جو،
پل نه پاتم يار،
زندگي هئي بار.
موت به اُوکو هيو