شاعري

پارسائي جون حدون

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.
Title Cover of book پارسائي جون حدون

وري وري ٿيو ،وصول دل کي،

وري وري ٿيو ،وصول دل کي،
هجر به هاڻي قبول دل کي.

نباه پاسي وٺي وڃي ٿو،
وفا جو ڪهڙو رسول دل کي.

فدا ڪري پيو حسن تان هر هر،
اکين جو ساڳيو ،اُصول دل کي.

کڻي ٿي ڪيڏا صليب خود لاءِ،
دعا ڪيان ٿو ،فضول دل کي.

حضور تنهنجي جفا جا ريلا،
لٽي وڃن ٿا ،ملول دل کي.

جديد فيشن جي دز اچي پئي،
او يار ايڏو نه جھول دل کي.