عنصر:
سهروردي فقط ٽن شين: هوا، پاڻي ۽ زمين کي عنصرن ۾ شمار ڪري ٿو. هو باهه کي ٻرندڙ هوا سڏي ٿو. عنصرن جي مختلف انداز ۾ ميلاپ مان مختلف صورتون پيدا ٿين ٿيون. آسمان نظارا، مثلاً برسات، طوفان وغيره تحرڪ جي ڪري پيدا ٿين ٿا. ڪائنات جيڪا نور جي جزوي ظهور آهي حادث يا مخلوق آهي پر پنهنجي منبع جي لحاظ کان ابدي آهي. سبب ۽ اثر کي ڪو به وجود نه آهي، ڪائنات جون سموريون شيون نور جي منبع ڏانهن سفر ڪنديون رهن ٿيون ۽ انهيءَ سفر جي دوران هڪ ٻئي جي مدد ڪندي اثر قبول ڪنديون هلن ٿين. انسان به ٻين شين وانگر پنهنجي منبع ۽ موجع جي ڳولا ڪندو رهي ٿو. سندس باطن هميشه منور رهي ٿو.