اشعري مڪتبه فڪر جا مبلغ:
اشعري مڪتبه فڪر وڏا بلند پائي جا علماءَ ۽ مبلغ پيدا ڪيا آهن، جن مان ابو الحسن اشعري، ابوبڪر باقلاني، ابو جعفر ثمائي، امام الحرمين ابو المعالي، فخر الدين رازي، شهرستاني، اسفراني، جرجاني ۽ ٻيا ڪيترائي مشهور علماءَ ٿي گذريا آهن. هنن عالمن جون خدمتون ايتري قدر ته عظيم آهن، جو انهن جو تفصيلي بيان ڪرڻ هن ڪتاب جي مضمون کان ٻاهر آهي، ان هوندي به ڪن عالمن جي سوانح عمري ۽ اصولن جو بيان ڪرڻ ضروري آهي.