عزت عظمت جو، هيءُ جنازو ٿو وڃي!
هيءُ جنازو ٿو وڃي!
نفرت، نفرت آ رُڳي،
ميٺ محبت جو،
هيءُ جنازو ٿو وڃي!
سياست هونئن شانائتي،
اڄ جي سياست جو،
هيءُ جنازو ٿو وڃي!
ذاتي غيرت جامُ آ،
قومي غيرت جو،
هيءُ جنازو ٿو وڃي!
هرڪو قائم هَٺ تي،
نياز ۽ نوڙت جو،
هيءُ جنازو ٿو وڃي!
جاڏي ڏِسُ آلودگي،
سُندر فطرت جو،
هيءُ جنازو ٿو وڃي!
ڪيڏو قرضي هردفعي،
ڪُڙمي، ڪُڙمت جو،
هيءُ جنازو ٿو وڃي!
سچ چڙهي ويو دار تي،
جوڌي جُرئت جو،
هيءُ جنازو ٿو وڃي!