”يا اي سيءَ ۾ ويٺل اميرن تي لکجي؟“
گنجي گوڏ پاتل غريبن تي لکجي،
يا اي سيءَ ۾ ويٺل اميرن تي لکجي؟
لڄالٽ جا واقعا وڃن ٿا پيا وڌندا،
نوري، عابده جي نصيبن تي لکجي،
يا اي سيءَ ۾ ويٺل اميرن تي لکجي؟
ڏسيو هوشو، هيمون ۽ ڀونگر تي لکجي،
يا ڪُرسي جي بُکين وزيرن تي لکجي،
يا اي سيءَ ۾ ويٺل اميرن تي لکجي؟
سڄي ڀونءِ ڀيلي ويا سامراجي،
اتر، لاڙ، ڪاڇي ٿريچن تي لکجي،
يا اي سيءَ ۾ ويٺل اميرن تي لکجي؟
ڪُٺا ڪالهه ڪونڌر ڪراچي ۾ ڌارين،
انهن بي سهارن صغيرن تي لکجي،
يا اي سيءَ ۾ ويٺل اميرن تي لکجي؟
ڏئي ريج رت جو ويا ڌرتيءَ کي جيڪي،
انهن ديس واسين شهيدن تي لکجي،
يا اي سيءَ ۾ ويٺل اميرن تي لکجي؟