وري ايڊ ڪنهن کان ٻي وٺندؤ اُڌاري؟
سڄي سنڌ گِروي رکي ٿَوَ قهاري!
وڏا قرب ڪيا ٿو سنڌي قوم تي هي،
رُڳو ڊيمون ٺاهي گُهرايو بِهاري.
گهاڻي ۾ وجهي تيل ڪري ڏِسُ ته خبر پئي.
گهرڙن کي ڀلي جيل ڪري ڏِسُ ته خبر پئي.
هر روز ستم تنهنجا سَهُون ڪيڏا زمانا!
هن ڀونءِ مٿان ڀيل ڪري ڏِسُ ته خبر پئي.
رهبرن لئه ٿو چوين رهزن سراسر آ غلط.
قوم کي ٿو تون ڪرين بدظن سراسر آ غلط.
تنهنجا هي الفاظ آهن يار بلڪل بي بُنياد،
تنهنجو هي آواز ۽ موشن سراسر آ غلط.