سُونھن جو اڻ کُٽ خزانو، ڄام شوري ۾ پرين
ھِڪ انوکو آ زمانو، ڄام شوري ۾ پرين
ﺳؤ شمعون ﺳؤ پتنگا، کوڙ مُکڙيون کوڙ ڀئونر
ڪيڏو سھڻُو آ فسانو، ڄام شوري ۾ پرين
ٿيڙ کائن ٿيون جوانيون، سُونھن جون سُرڪون ڀري
ھر نظر آ مڌُ خانو، ڄام شوري ۾ پرين
شام جي چپڙن تي سُرخي، ڪنھن جي مُرڪن جو ڪمالُ
نيڻ سپنن آستانو، ڄام شوري ۾ پرين
ڪنھن جي ٽھڪن جو ترنم ، ڪنھن جي قدمن جي پشم
رُوح آ رِم جِھم روزانو، ڄام شوري ۾ پرين
نينھن جا نيئر وِجھي تو، رول پايون روڪيون
مون اڏيو آ آشيانو، ڄام شوري ۾ پرين
ڪير ڪنھن جي جستجوءَ ۾، پاڻ کي ڀُلجي وئي
ڪيرُ ڪنھن جو آ ديوانو، ڄام شوري ۾ پرين
ﭼؤ ڏسان ڊيلُن جون ٽوليون، رقص ”ساحر“ مور جا
زندگي چنچل ترانو، ڄام شوري ۾ پرين