لکمير جي ماڙي
نئنگ ماٿريءَ ۾ هڪ شاهي مخروطي هڪ ٽڪريءَ تي قديم آثارن جو ماڳ آهي. ماهرن موجب هيءُ ماڳ سنڌو تهذيب سان تعلق رکي ٿو. هتان سنڌو تهذيب سان لاڳاپيل ڳاڙهو ٺڪراٽو جنهن تي ڪاري چٽسالي آهي، ملي ٿو. ان کان سواءِ پٿر جا اوزار به ملن ٿا. پر مقامي ماڻهن جو چوڻ آهي ته اها لکمير ڪافر جي ماڙي آهي، جنهن علي سائين سان مقابلو ڪيو. جڏهن عليءَ سائين لکميرکي ماريو تڏهن لکمير جو محل اونڌو ٿي پيو. مينهن کان انهن کنڊرن مان عقيق، مڻيا ۽ ڪڏهن ڪڏهن سون به لڀجي ٿو. ماڻهن کي لکمير کان ڪيڏي به نفرت هجي سندس ڇڏيل سون سان ڏاڍو پيار آهي. جنهن کي ملي! ڀاڳ جي ڳالهه آهي!