سنڌ شناسي

سنڌوءَ جو سفر 1989ع

ھي ڪتاب انڪري بہ منفرد آھي جو بدر ابڙي پنھنجي ساٿين انور پيرزادي ۽ ڪليم لاشاري سان گڏ 1989ع ۾ Indus Expedition جي نالي سان 12 ماڻھن تي مشتمل ٽيم سان گڏ 22 ڏينھن ۾ سنڌوءَ جي مھم جوئي ڪئي، جيڪا اٽڪ کان ڪابل نديءَ جي ڇوڙ وٽان شروع ٿي ڪيٽي بندر تائين توڙ پھتي. انور پيرزادو لکي ٿو: ”ھي ڪتاب ظاھر ۾ تہ ھڪ سفرنامو آھي پر بدر ان کي تحقيق جو ھڪ ڳٽڪو بڻائي ڇڏيو آھي. جيئن تہ ان جو موضوع سنڌو درياءُ آھي، ان ڪري چئي سگهجي ٿو تہ ھي ڪتاب سنڌ ۽ سنڌي ماڻھن جي ثقافتي وجود جي تاريخ آھي.

  • 4.5/5.0
  • 134
  • 27
  • آخري ڀيرو اپڊيٽ ٿيو:
  • بدر ابڙو
  • ڇاپو پھريون
Title Cover of book Sindhu'a Jo Safar

ٿرون ٽڪري

ٿرون ٽڪري

هن ماڳ تي سچ پچ ته ڪافر اڳي به موجود هئا پر اها شيخ تراب کان ڪيئي صديون اڳ جي ڳالهه آهي. انهن ڪافرن جا گهر ٿرون ٽڪريءَ تي هئا، جنهن جا کنڊر باقي آهن. مقامي ماڻهو ٿرون ٽڪريءَ کي ٿرڙو به چون ٿا. جيڪڏهن کانئن ٿورڙي به وضاحت گهربي ته هڪدم چوندا، ”هتي ٿرون ۽ ڪلو نالي ٻن ڪافرن جي حڪومت هئي. ٿرون ٽڪريءَ جي هيٺان درياهه وهندو هو، جنهن ۾ ٻيڙا هلندا هئا. اهي ٻيڙا ڏيسارو مان وڏو مال آڻي هتي لاهيندا هئا.“
جيڪڏهن ٿرون ٽڪريءَ جي کنڊرن تي نگاهه وجهبي ته سڄي ڪٿا هٿرادو محسوس ٿيندي. هن آرڪيالاجي ماڳ کي ماهرن “A wonderful neolithic city” لکيو آهي. (هسٽاريڪل جاگرافي آف سنڌ: پٿاوالا صفحو 32) هيءُ ماڳ لڳ ڀڳ ٻه هزار ۽ هڪ هزار فٽ ڊيگهه ويڪر ۾ آهي، جنهن ۾ آمري دور جو ٺڪراٽو پکڙيل آهي. ٺڪرين کان سواءِ پٿر جي قلعي جون ٻه اڌ گول ديوارون، ڪمري جا بنياد، سپن ۽ ڪوڏن جي صنعت، پٿر جا بليڊ ۽ اهڙيون ئي ٻيون شيون موجود آهن جيڪي هن ماڳ کي سنڌو تهذيب کان به قديم سڏڻ لاءِ ڪافي آهن.