لاڙڪاڻي ۾
تقريباً هڪ لڳي ڌاري لاڙڪاڻي پهتاسون. هتي پهچڻ شرط پراڻي چوڻي ياد اچي ٿي، ”هجئي ناڻو ته گهم لاڙڪاڻو!“ پرهاڻي هروڀرو اهڙي ڪا ڳالهه ناهي. ڀُٽي صاحب جي زماني ۾ اڃا ترقيءَ جي هڪ اڌ وک مس کنئي هئائين ته اڙدو پريس باهه ٻاري ڏني، چئي، ”لاڙڪاڻي تي ڪراچيءَ جا پئسا پيا لڳن ... لاڙڪاڻو پئرس پيو ٿئي!“ خبر ناهي ته ڪراچيءَ وارن ڪڏهن لاڙڪاڻو ڏٺو به آهي يا نه!
لاڙڪاڻي جي هڪ سڃاڻپ زيتونن جا باغ آهن. هيڏو مٺو زيتون پاڪستان جي ڪنهن ٻئي علائقي ۾ ڪو نه ٿئي. هونئن به لاڙڪاڻو ڪنهن وقت ۾ سنڌ جو باغ ليکيو ٿي ويو.