ڪولھين سان گڏ ڪولھي ٿيان،
ھا ھا ھا، آئون ھولي ٿيان.
تنھنجو اُڊڙيل عشق ھجان،
پنھنجي ڦاٽل جھولي ٿيان.
وڏڙن جو مان ورثو ٿيان،
ٻارن جي مان ٻولي ٿيان.
تون جو سمنڊ ھجين، مان تنھنجي،
ڇو نه ڀلا پوءِ ڇولي ٿيان؟
اوڀارو مان عشق ھجان،
لھواري مان لولي ٿيان.
اوڇنگارن جو انت ٿيان،
ٽھڪن جي مان ٽولي ٿيان.
مشڪل مشڪل مشڪل ٿيان،
سؤلي سؤلي سؤلي ٿيان.
لفظن جي مان لڄ رکان،
گُفتي جي مان گولي ٿيان.
يار حسن جو شعر ٿيان،
يار حسن جي ٻولي ٿيان.