ٽي منظر
ھُن جي اندر ۾ ڪئي ڦٿڪن مڇيون پيون
ھُو جو ملاح ويٺو گھوري زمين کي
ھُن جي اندر ۾ پنھنجي ڪو رَڇُ آ ھنيون.
کوٽي زمين کي ۽ پُوري زمين کي
۽ دُور ھُو مھاڻي ھوريان ھلي پئي
ھُوءَ ڪالھه جنھن ھڪڙو ٻار آ ڄڻيو
ھُوءَ جا ھِنن ڏينھن ۾ ماري نه ٿي مڇيون
ھا پر ھُن مڇين لاءِ ھڪ ڄار آ ڄڻيو
سارين جي پوک مان اوٻر نه ٿي اچي.
پاڻي دُٻي مٿان آڙي اڏي وئي
مون سوچيو ته مون تي ڪو ئي پکي لٿو
مون جي ڏٺو ته وڻ جي ٽاري لڏي وئي
ھيءُ ديس به آ تنھنجي يادن جيان جڙيل
ديدار تنھنجو ٿيو ۽ سانجھي ٻڏي وئي.