اڄ وري آ آئيني ۾!
آئيني ۾ پاڻ کي بيٺي ڏٺم،
شڪ پيم!
تنھن ڪري ٻيھر وري جانچي ڏٺم،
پڪ ٿيم،
ھي اُھو ئي شخص آھي،
دير سان ھڪ رات جو،
مون کي مليو اوندھ ۾،
ماچيس جو مون کان پڇيئين،
ھڪ عدد ٻيڙي گھريئين،
اوچتو خنجر ڪڍي،
منھنجي سيني تي رکيئين،
جوڪجھه ھيو، سو سڀ ڦريئين،
ھڪ رواجي گار سان،
منھنجي وري تذليل ڪيئين،
حملو ڪري خنجر ھنيئين،
ھٿ کي ھوا ۾ کنيئين،
پيٽ کي ڦاڙي ڇڏيئين،
پوءِ دل ڪڍيئين،
پنھنجي کيسي ۾ وڌئين،
آئون اُتي ئي پيو ھئس،
ھو اُتان ھليو ويو،
اڄ وري آ آئيني ۾،
مون اڳيان سامھون کڙو،
۽ سندس شرٽ جي کيسي اندر،
منھنجي دل ڦٿڪي پئي،
ڪنھن به سيني کانسواءِ!